Azərbaycanda fərdi evlərin sahibləri bələdiyyələrə əmlak vergilərini yeni qaydada ödəyəcəklər

2014-05-20 | Vergilər | 255

Azərbaycanda bələdiyyə ərazisində yerləşən fərdi evlərin sahibləri bələdiyyələrə əmlak vergilərini yeni qaydada ödəyəcəklər.

Milli Məclisin Regional məsələlər komitəsinin üzvü Tahir Rzayev Trend-ə bildirib ki, bələdiyyələrlə bağlı qanunvericiliyə yeni dəyişikliklər artıq Milli Məclisin plenar iclasına tövsiyə edilib.

Həmin dəyişikliklərə əsasən, ev sahibləri tərəfindən bələdiyyələrə ödənilən əmlak vergisi həmin evin sahəsinə uyğun hesablanacaq. Yeni dəyişikliklər əsasında hər kvadratmetrə görə bələdiyyəyə ödənilməli olan verginin məbləği konkert olaraq müəyyənləşdirilib.

T.Rzayev deyib ki, Bakı şəhərində fiziki şəxslərin xüsusi mülkiyyətində olan qeyri-yaşayış sahələri üçün hər kvadratmetrə görə 1,2 manat, fiziki şəxslərin mülkiyyətində olan yaşayış sahələri üçün hər kvadratmetrə görə 0,4 manat ödənilməsi müəyyən edilib. Rayonlarda isə bu vəsait daha az məbləğdə müəyyənləşdirilib. Təsərrüfat xarakterli yerlər - əkin sahələri üçün hər 1000 metrə görə vergi müəyyən edilib.

O, qeyd edib ki, hazırda bələdiyyələrə verginin ödənilməsi üçün binanın dəyərinin qiymətləndirilməsi lazımdır. Ancaq bəzən evlər qiymətləndirilmirdi. Eyni zamanda, qiymətləndirmə zamanı da müəyyən neqativ hallar olurdu: "İndi konkret olaraq, vergi kvadratmetrə görə hesablanacaq. Bu, daha yaxşıdır. Çünki adamlar bəzən evi qiymətləndirmirlər. Rayonlarda çox evlər hələ də qiymətləndirilməyib. Digər tərəfdən, evlər 5 ildən bir köhnəlir, yenidən qiymətləndirilməlidir. Bu da həddindən çox çətinliklər yaradır. Elə adamlar var ki, villasının dəyəri 1 milyon manat olduğu halda onu 50 min manata qiymətləndirir, vergini də 50 min manata görə ödəyir. Amma indi gedib görəcəklər ki, evin kvadratmerti budur, vergini də buna görə ver. Bu, çox asan yoldur".

Mənbə: http://www.trend.az

Azərbaycanda fərdi evlərin sahibləri bələdiyyələrə əmlak vergilərini yeni qaydada ödəyəcəklər

2014-05-20 | Vergilər | 255

Azərbaycanda bələdiyyə ərazisində yerləşən fərdi evlərin sahibləri bələdiyyələrə əmlak vergilərini yeni qaydada ödəyəcəklər.

Milli Məclisin Regional məsələlər komitəsinin üzvü Tahir Rzayev Trend-ə bildirib ki, bələdiyyələrlə bağlı qanunvericiliyə yeni dəyişikliklər artıq Milli Məclisin plenar iclasına tövsiyə edilib.

Həmin dəyişikliklərə əsasən, ev sahibləri tərəfindən bələdiyyələrə ödənilən əmlak vergisi həmin evin sahəsinə uyğun hesablanacaq. Yeni dəyişikliklər əsasında hər kvadratmetrə görə bələdiyyəyə ödənilməli olan verginin məbləği konkert olaraq müəyyənləşdirilib.

T.Rzayev deyib ki, Bakı şəhərində fiziki şəxslərin xüsusi mülkiyyətində olan qeyri-yaşayış sahələri üçün hər kvadratmetrə görə 1,2 manat, fiziki şəxslərin mülkiyyətində olan yaşayış sahələri üçün hər kvadratmetrə görə 0,4 manat ödənilməsi müəyyən edilib. Rayonlarda isə bu vəsait daha az məbləğdə müəyyənləşdirilib. Təsərrüfat xarakterli yerlər - əkin sahələri üçün hər 1000 metrə görə vergi müəyyən edilib.

O, qeyd edib ki, hazırda bələdiyyələrə verginin ödənilməsi üçün binanın dəyərinin qiymətləndirilməsi lazımdır. Ancaq bəzən evlər qiymətləndirilmirdi. Eyni zamanda, qiymətləndirmə zamanı da müəyyən neqativ hallar olurdu: "İndi konkret olaraq, vergi kvadratmetrə görə hesablanacaq. Bu, daha yaxşıdır. Çünki adamlar bəzən evi qiymətləndirmirlər. Rayonlarda çox evlər hələ də qiymətləndirilməyib. Digər tərəfdən, evlər 5 ildən bir köhnəlir, yenidən qiymətləndirilməlidir. Bu da həddindən çox çətinliklər yaradır. Elə adamlar var ki, villasının dəyəri 1 milyon manat olduğu halda onu 50 min manata qiymətləndirir, vergini də 50 min manata görə ödəyir. Amma indi gedib görəcəklər ki, evin kvadratmerti budur, vergini də buna görə ver. Bu, çox asan yoldur".

Mənbə: http://www.trend.az



Vergilər bölümünün son xəbərləri

2020-01-28 | ƏDV məqsədləri üçün vergitutma əməliyyatlarının aparıldığı vaxt
2020-01-27 | Hüquqların güzəşt edilməsi
2020-01-27 | ƏDV ödəyiciləri yanvarın 31-dək Məlumat Forması təqdim etməlidirlər
2020-01-27 | POS-terminalla ödəniş qəbul edən sahibkarlara vergi güzəşti
2020-01-24 | Xarici şirkətlə işləyən sığorta agentinin vergi öhdəlikləri
2020-01-24 | Ödəmənin aparıldığı vaxt
2020-01-24 | Elektron qaimə-fakturalarla bağlı yenilik
2020-01-24 | Əlavə dəyər vergisinin bəyannaməsi üzrə edilmiş dəyişikliklər
2020-01-21 | Gəlir vergisi ödəyiciləri üçün daha bir yenilik
2020-01-17 | Gəlir əldə edilməsi ilə bağlı çəkilən xərc - 3

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!