Daha üç bələdiyyə onlayn ödəniş sisteminə qoşulub

2018-02-21 | Vergilər | 3315

Belediyye.infoya daxil olan məlumata görə, Xəzər rayonu Mərdəkan bələdiyyəsi və Binəqədi rayon M.Ə.Rəsulzadə və Xocasən bələdiyyələri bu günlərdə "MilliÖN" stasionar ödəniş sisteminə qoşulub.

Məqsəd vergi ödəyicilərinin rahatlığını təmin etməklə, yerli büdcə daxilolmalarının həcmini artırmaqdır.

Hazırda "Easypay" və "MilliÖN" stasionar ödəniş sisteminə Bakının Nəsimi, Nizami, Səbail (Səbail və Badamdar), Binəqədi (Binəqədi rayon, Biləcəri, Binəqədi qəsəbə), Qaradağ (Lökbatan, Ələt, Körgoz, Qobustan, Müşfiqabad, Sahil,) Yevlax, Gəncə (Nizami və Kəpəz) bələdiyyələri, E-manat sisteminə isə Nəsimi bələdiyyəsinin təşəbbüsü və təşkilatçılığı ilə daha on bələdiyyə-Bakıxanov, Sabunçu, Yasamal, Xırdalan, Zabrat, Ramanı, Nizami, Pirşağı, Balaxanı və Bilgəh bələdiyyəsi qoşulub.

Beləliklə, 20 bələdiyyə "Easypay" və MilliÖN"-ə, 11 bələdiyyə isə E-manat sisteminə qoşulub.

Muxax bələdiyyəsi vergi ödəyicilərinə müraciət edib

Yerli (Bələdiyyə) Vergi və ödənişlərin Avtomatlaşdırılmış Məlumat sisteminə işlənməsi işləri yekunlaşmışdır.

• Dəqiqləşmə aparılması üçün şəxsiyyət vəsiqənizlə Muxax bələdiyyəsinin vergilərin hesablanmasi şöbəsinə müraciət etməyiniz xahiş olunur.
• Xüsusi mülkiyyətinizə aid olan topaqlarının yerlərini dəyişən,topağını satan, ailə başcısı vəfat etmiş vətəndaşlarımız sənədlərlə birlikdə bələdiyyəyə müraciət etməlidir ki, Məlumat bazasında 2018-ci il üçün vergilərin hesablanması aparılana qədər sistemdə dəqiqləşmə aparılsın.
• Vergi müəyyən edilmiş müddətdə ödənilmədikdə vergi məcəlləsinin 59.1-ci maddəsinə əsasən ödənmə müddətindən sonrakı hər bir ötmüş gün üçün ödənilməmiş vergi məbləğinin 0,1 % məbləğində faiz tutulacaq və maliyyə sanksiyyası tətbiq ediləcək.

  Mənbə: belediyye.info/new/details/daha-uc-belediyye-onlayn-odenis-sistemine-qosulub--3589.htm