Mühasibatlıq üzrə I Olimpiada keçirilib

2017-12-17 | Mühasibat uçotu | 2546

Azərbaycan Texnologiya Universitetində (ATU) Gəncədəki ali məktəblərin tələbələri arasında Mühasibatlıq üzrə 1-ci Olimpiada keçirilib. Azərbaycan Respublikasının Prezidenti yanında Gənclər Fondunun maliyyə dəstəyi ilə "Gənc Mühasiblər" İctimai Birliyi tərəfindən təşkil olunan müsabiqədə Azərbaycan Texnologiya Universiteti, Azərbaycan Dövlət Aqrar Universiteti və Gəncə Dövlət Universitetindən ümumilikdə 65 tələbə iştirak edib.

Olimpiada iştirakçıları Gəncədəki adı çəkilən üç universitetin mühasibat uçotu ixtisaslarında təhsil alan tələbələr arasından 11-13 dekabr tarixlərində keçirilən görüşlər əsasında seçilib. ATU-da baş tutan olimpiadada tələbələr 2 saat ərzində Maliyyə Nazirliyinin Elm-tədris mərkəzi tərəfindən hazırlanan 50 suala cavab verməyə çalışıblar. Cavablar dərhal ekspert qrupu tərəfindən yoxlanılaraq qaliblər müəyyən edilib. Nəticələrə əsasən ADAU-nun tələbəsi Nemət Zülfüqarlı olimpiadanın qalibi olub. Sonrakı iki yerə də bu ali təhsil ocağının tələbələri layiq görülüb. ATU-nun tələbəsi Əfsanə Qurbanlı isə IV - həvəsləndirici yeri əldə edib.

Mükafatlandırma mərasimində qaliblərə diplom və qiymətli hədiyyələr, digər bütün iştirakçılara isə sertifikat və həvəsləndirici hədiyyələr təqdim olunub. Tələbələr ATU-nun elm və texnika üzrə prorektoru Səbuhi Yusifov, İqtisadiyyat və İdarəetmə fakültəsinin dekanı Nüşabə Hacıyeva, Maliyyə Nazirliyinin Elm-tədris mərkəzinin şöbə müdiri İbrahim İbrahimov və "Gənc Mühasiblər" İctimai Birliyinin sədri Solmaz Əliyeva tərəfindən təltif edilib.

Qeyd edək ki, olimpiadanın keçirilməsində məqsəd mühasibatlığın öyrədilməsində analitik düşüncə tərzini yüksəltmək, gənclərin intellektual qabiliyyətlərini və yaradıcılıqlarını aşkarlayaraq səmərəli qiymətləndirmə üsullarını təqdim etmək, stimullaşdırmaq, istedadlı tələbələrə əlverişli şərait yaratmaq, onların gələcəkdə təhsil inkişafını və professional istiqamətləndirilməsini təmin etməkdən ibarətdir.

 

 

 

Mənbə: https://www.yenigence.com/?p=60149

Mühasibatlıq üzrə I Olimpiada keçirilib

2017-12-17 | Mühasibat uçotu | 2546

Azərbaycan Texnologiya Universitetində (ATU) Gəncədəki ali məktəblərin tələbələri arasında Mühasibatlıq üzrə 1-ci Olimpiada keçirilib. Azərbaycan Respublikasının Prezidenti yanında Gənclər Fondunun maliyyə dəstəyi ilə "Gənc Mühasiblər" İctimai Birliyi tərəfindən təşkil olunan müsabiqədə Azərbaycan Texnologiya Universiteti, Azərbaycan Dövlət Aqrar Universiteti və Gəncə Dövlət Universitetindən ümumilikdə 65 tələbə iştirak edib.

Olimpiada iştirakçıları Gəncədəki adı çəkilən üç universitetin mühasibat uçotu ixtisaslarında təhsil alan tələbələr arasından 11-13 dekabr tarixlərində keçirilən görüşlər əsasında seçilib. ATU-da baş tutan olimpiadada tələbələr 2 saat ərzində Maliyyə Nazirliyinin Elm-tədris mərkəzi tərəfindən hazırlanan 50 suala cavab verməyə çalışıblar. Cavablar dərhal ekspert qrupu tərəfindən yoxlanılaraq qaliblər müəyyən edilib. Nəticələrə əsasən ADAU-nun tələbəsi Nemət Zülfüqarlı olimpiadanın qalibi olub. Sonrakı iki yerə də bu ali təhsil ocağının tələbələri layiq görülüb. ATU-nun tələbəsi Əfsanə Qurbanlı isə IV - həvəsləndirici yeri əldə edib.

Mükafatlandırma mərasimində qaliblərə diplom və qiymətli hədiyyələr, digər bütün iştirakçılara isə sertifikat və həvəsləndirici hədiyyələr təqdim olunub. Tələbələr ATU-nun elm və texnika üzrə prorektoru Səbuhi Yusifov, İqtisadiyyat və İdarəetmə fakültəsinin dekanı Nüşabə Hacıyeva, Maliyyə Nazirliyinin Elm-tədris mərkəzinin şöbə müdiri İbrahim İbrahimov və "Gənc Mühasiblər" İctimai Birliyinin sədri Solmaz Əliyeva tərəfindən təltif edilib.

Qeyd edək ki, olimpiadanın keçirilməsində məqsəd mühasibatlığın öyrədilməsində analitik düşüncə tərzini yüksəltmək, gənclərin intellektual qabiliyyətlərini və yaradıcılıqlarını aşkarlayaraq səmərəli qiymətləndirmə üsullarını təqdim etmək, stimullaşdırmaq, istedadlı tələbələrə əlverişli şərait yaratmaq, onların gələcəkdə təhsil inkişafını və professional istiqamətləndirilməsini təmin etməkdən ibarətdir.

 

 

 

Mənbə: https://www.yenigence.com/?p=60149



Mühasibat uçotu bölümünün son xəbərləri

2024-01-23 | Bakıda II Vergi və Mühasibatlıq Zirvəsi keçiriləcək
2024-01-23 | Azərbaycanda orta sahibkarlar bu ildən elektron mühasibat uçotuna keçməli olacaq
2024-01-23 | Azərbaycanda “Mühasibat uçotu haqqında” və “Dövlət sirri haqqında” qanunlar dəyişib
2022-12-09 | Müəssisələr vergi hesabatları ilə yanaşı, mühasibat uçotunun da hesabatlarını təqdim etməlidirlər
2021-02-04 | Elektron qaimə-fakturanın forması, tətbiqi, uçotu və istifadəsi Qaydaları təsdiqlənib
2021-02-03 | Peşəkar Mühasib Sertifikasiyası imtahanı ilə bağlı sual-cavab MÖVZUSUNDA VEBİNAR
2021-01-29 | Uçot və hesabatlılıq sistemi Beynəlxalq Maliyyə Hesabatı Standartlarına əsasən qurulmalıdır
2021-01-08 | Mühasibat uçotu haqqında qanunda dəyişiklik edildi
2020-07-07 | TTA STANDARTI: VERGİ MƏCƏLLƏSİ İLƏ IFRS-İN QARŞILAŞDIRILMASI MÖVZUSUNDA VEBİNAR
2020-06-23 | Malın və ya xidmətin (işin) adı nəzarət-kassa aparatının çekində qeyd edilməlidir

www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!