Təhvil-təslim üçün vergi ödəyicilərinə vaxt veriləcək
2019-11-13 | Vergilər |
4174
Vergi tutulan vaxtın müəyyən edilməsi ilə bağlı vergi orqanı və vergi ödəyicisi arasında başa çatan ayın sonunda göstərilən xidmətlərə görə mübahisələrin yaranmasına son qoyulacaq.
Bakı Hesabat Mərkəzinin direktoru, auditor Mehdi Babayev bildirib ki, aylıq abunə şəklində göstərilən xidmətlərin bəzi hallarda ay sonunda qeydiyyatında çətinlik yaranır: "Xidmətlərin göstərilməsi fəaliyyəti ilə məşğul olan, adətən, aylıq abunə şəklində (müntəzəm) xidmətlər göstərən təsərrüfat subyektləri (hüquq, vergi və mühasibat, məsləhət, tərcümə, internet, icarə, tədris və s. xidmətləri göstərənlər) ayın son iş günü başa çatdıqda, xidmətlər göstərilmiş hesab edilməsinə baxmayaraq, müəyyən səbəblərdən xidmətin təhvil-qəbulu prosesi növbəti aya keçir və ya keçə bilirdi. Həmin ayın son iş günü elektron qaimə-fakturanı göndərmək isə praktiki olaraq mümkün olmurdu. Həmin ay daxilində elektron qaimə-faktura göndərildiyi halda sifarişçi narazılıq edirdi ki, hələ ay başa çatmayıb və xidməti tam yoxlayıb təhvil almayıb. İcraçı (xidmət göstərən tərəf) da məcburiyyət qarşısında bu aya aid olan xidmətə aid elektron qaimə-fakturanı növbəti ayda göndərməli olurdu və belə elektron qaimə-faktura üzrə vergi tutulan vaxtın müəyyən edilməsində vergi orqanı və vergi ödəyicisi arasında mübahisəli hallar yaranırdı. Artıq bu problemin həlli Vergi Məcəlləsinə təklif olunan yeni əlavə və dəyişikliklərdə nəzərə alınıb".
Yeni əlavələr üzrə Məcəllənin 71-1.1.3-cü maddəsində işlərin görülməsini və xidmətlərin göstərilməsini həyata keçirən vergi ödəyicisi elektron qaimə-fakturanı işlərin görüldüyü və xidmətlərin göstərildiyi tarixdən 5 gün müddətində sifarişçiyə təqdim edə bilər.
Auditor həmin müddətin tikinti, təmir işləri ilə məşğul olan şirkətlər üçün kifayət etməyəcəyini ehtimal edir: "Bu məsələdə tikinti və təmir-tikinti işləri həyata keçirən şirkətlər tərtib etdikləri FORMA 2 sənədi üzrə işlərin təhvil-qəbulu zamanı vergi tutulan vaxtın müəyyən edilməsinin mübahisəsiz olduğuna əmin olmalıdırlar. Əks halda, tikinti şirkətləri əlavə faiz və maliyyə sanksiyaları ilə üzləşə bilərlər".
Təhvil-təslim üçün vergi ödəyicilərinə vaxt veriləcək
2019-11-13 | Vergilər | 4174
Vergi tutulan vaxtın müəyyən edilməsi ilə bağlı vergi orqanı və vergi ödəyicisi arasında başa çatan ayın sonunda göstərilən xidmətlərə görə mübahisələrin yaranmasına son qoyulacaq.
Bakı Hesabat Mərkəzinin direktoru, auditor Mehdi Babayev bildirib ki, aylıq abunə şəklində göstərilən xidmətlərin bəzi hallarda ay sonunda qeydiyyatında çətinlik yaranır: "Xidmətlərin göstərilməsi fəaliyyəti ilə məşğul olan, adətən, aylıq abunə şəklində (müntəzəm) xidmətlər göstərən təsərrüfat subyektləri (hüquq, vergi və mühasibat, məsləhət, tərcümə, internet, icarə, tədris və s. xidmətləri göstərənlər) ayın son iş günü başa çatdıqda, xidmətlər göstərilmiş hesab edilməsinə baxmayaraq, müəyyən səbəblərdən xidmətin təhvil-qəbulu prosesi növbəti aya keçir və ya keçə bilirdi. Həmin ayın son iş günü elektron qaimə-fakturanı göndərmək isə praktiki olaraq mümkün olmurdu. Həmin ay daxilində elektron qaimə-faktura göndərildiyi halda sifarişçi narazılıq edirdi ki, hələ ay başa çatmayıb və xidməti tam yoxlayıb təhvil almayıb. İcraçı (xidmət göstərən tərəf) da məcburiyyət qarşısında bu aya aid olan xidmətə aid elektron qaimə-fakturanı növbəti ayda göndərməli olurdu və belə elektron qaimə-faktura üzrə vergi tutulan vaxtın müəyyən edilməsində vergi orqanı və vergi ödəyicisi arasında mübahisəli hallar yaranırdı. Artıq bu problemin həlli Vergi Məcəlləsinə təklif olunan yeni əlavə və dəyişikliklərdə nəzərə alınıb".
Yeni əlavələr üzrə Məcəllənin 71-1.1.3-cü maddəsində işlərin görülməsini və xidmətlərin göstərilməsini həyata keçirən vergi ödəyicisi elektron qaimə-fakturanı işlərin görüldüyü və xidmətlərin göstərildiyi tarixdən 5 gün müddətində sifarişçiyə təqdim edə bilər.
Auditor həmin müddətin tikinti, təmir işləri ilə məşğul olan şirkətlər üçün kifayət etməyəcəyini ehtimal edir: "Bu məsələdə tikinti və təmir-tikinti işləri həyata keçirən şirkətlər tərtib etdikləri FORMA 2 sənədi üzrə işlərin təhvil-qəbulu zamanı vergi tutulan vaxtın müəyyən edilməsinin mübahisəsiz olduğuna əmin olmalıdırlar. Əks halda, tikinti şirkətləri əlavə faiz və maliyyə sanksiyaları ilə üzləşə bilərlər".
Vergilər bölümünün son xəbərləri |