ƏDV üzrə vergi bəyannaməsinin əvvəlcədən doldurulması

2019-08-05 | Vergilər | 322

Vergilər Nazirliyinin 19 aprel 2019-cu il tarixli əmri ilə "Kiçik sahibkarlıq subyektlərinin ƏDV bəyannamələrinin əvvəlcədən doldurulması qaydaları" təsdiq edilib. Nazirlər Kabinetinin "Mikro, kiçik, orta və iri sahibkarlıq subyektlərinin bölgüsü meyarları"na əsasən, kiçik sahibkarlıq meyarlarına 11-50 nəfər işçisi və 3 milyon manatadək illik gəliri olanlar aid edilir. Qaydalarla bağlı sahibkarları daha çox maraqlandıran sualları iqtisadçı ekspert Anar Bayramov şərh edir.

Bu xidmət kimləri əhatə etmir?

Qaydaların 1.3-cü bəndində qeyd edilir ki, "ƏDV bəyannamələrinin əvvəlcədən doldurulması" xidmətindən istifadə etmək hüququ öz fəaliyyətində yalnız Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatından istifadə edən kiçik sahibkarlıq subyektlərinə məxsusdur.

Xidmət məcburidirmi?

Qaydalarda göstərilib ki, Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatı tətbiq etməklə ƏDV qeydiyyatına alınmış kiçik sahibkarlıq subyektləri "ƏDV bəyannaməsinin əvvəlcədən doldurulması" xidmətindən istifadə etmək və ya imtina etmək üçün qeydiyyatda olduğu vergi orqanına ərizə forması ilə elektron qaydada müraciət etməlidir. Vergi orqanı həmin ərizəni qəbul etdikdən sonra 5 iş günü ərzində vergi ödəyicisinə təsdiq və ya imtina haqqında məlumat verməlidir. Vergi orqanının ərizəyə imtina halları aşağıdakı səbəblərə görə baş verir:

  • vergi ödəyicisi elektron informasiya sisteminə real vaxt rejimində qoşulmuş nəzarət-kassa aparatına malik olmadıqda;
  • vergi ödəyicisi vergi orqanına hesabatlarını onlayn formada təqdim etmədikdə;
  • vergi ödəyicisi kiçik sahibkarlıq subyektinə uyğun gəlmədikdə.

Hesabatın hazırlanması və təqdim olunması müddəti

Vergi orqanı vergi ödəyicisinin ƏDV bəyannaməsini hesabat ayı başa çatdıqdan sonra 5 iş günü ərzində elektron formada hazırlayaraq vergi ödəyicisinə göndərəcək. Vergi ödəyicisinin ƏDV bəyannaməsinin təqdim edilməsi müddəti başa çatanadək həmin bəyannamənin üzərində dəyişiklik aparmaq hüququ var. Qeyd edək ki, vergi ödəyicisi ƏDV bəyannaməsini aylıq hazırlamalı, növbəti ayın 20-dən gec olmayaraq vergi orqanına təqdim etməlidir. Əgər vergi ödəyicisi ƏDV bəyannaməsinin təqdim edilməsi müddəti başa çatanadək onu təsdiqləməzsə, bu zaman vergi orqanının hazırladığı bəyannamə əsas tutularaq təsdiq edilir və bu barədə vergi ödəyicisinə bildiriş göndərilir.

ƏDV bəyannaməsinin doldurulması üçün hansı məlumatlardan istifadə edilir?

ƏDV bəyannaməsinin əvvəlcədən doldurulması zamanı vergi orqanının istifadə etdiyi məlumatlar bunlardır:

  • dövlət reyestr məlumatları;
  • Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatının məlumatları;
  • elektron-qaimə faktura, elektron vergi hesab-fakturası, ƏDV depozit hesabı və yük gömrük bəyannaməsi məlumatları;
  • notariusun məlumatları;
  • əmək müqavilələri bildirişləri üzrə informasiya sisteminin məlumatları.

Hazırladı:

Fəxriyyə İKRAMQIZI

Mənbə: https://vergiler.az/news/taxes/3461.html

ƏDV üzrə vergi bəyannaməsinin əvvəlcədən doldurulması

2019-08-05 | Vergilər | 322

Vergilər Nazirliyinin 19 aprel 2019-cu il tarixli əmri ilə "Kiçik sahibkarlıq subyektlərinin ƏDV bəyannamələrinin əvvəlcədən doldurulması qaydaları" təsdiq edilib. Nazirlər Kabinetinin "Mikro, kiçik, orta və iri sahibkarlıq subyektlərinin bölgüsü meyarları"na əsasən, kiçik sahibkarlıq meyarlarına 11-50 nəfər işçisi və 3 milyon manatadək illik gəliri olanlar aid edilir. Qaydalarla bağlı sahibkarları daha çox maraqlandıran sualları iqtisadçı ekspert Anar Bayramov şərh edir.

Bu xidmət kimləri əhatə etmir?

Qaydaların 1.3-cü bəndində qeyd edilir ki, "ƏDV bəyannamələrinin əvvəlcədən doldurulması" xidmətindən istifadə etmək hüququ öz fəaliyyətində yalnız Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatından istifadə edən kiçik sahibkarlıq subyektlərinə məxsusdur.

Xidmət məcburidirmi?

Qaydalarda göstərilib ki, Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatı tətbiq etməklə ƏDV qeydiyyatına alınmış kiçik sahibkarlıq subyektləri "ƏDV bəyannaməsinin əvvəlcədən doldurulması" xidmətindən istifadə etmək və ya imtina etmək üçün qeydiyyatda olduğu vergi orqanına ərizə forması ilə elektron qaydada müraciət etməlidir. Vergi orqanı həmin ərizəni qəbul etdikdən sonra 5 iş günü ərzində vergi ödəyicisinə təsdiq və ya imtina haqqında məlumat verməlidir. Vergi orqanının ərizəyə imtina halları aşağıdakı səbəblərə görə baş verir:

  • vergi ödəyicisi elektron informasiya sisteminə real vaxt rejimində qoşulmuş nəzarət-kassa aparatına malik olmadıqda;
  • vergi ödəyicisi vergi orqanına hesabatlarını onlayn formada təqdim etmədikdə;
  • vergi ödəyicisi kiçik sahibkarlıq subyektinə uyğun gəlmədikdə.

Hesabatın hazırlanması və təqdim olunması müddəti

Vergi orqanı vergi ödəyicisinin ƏDV bəyannaməsini hesabat ayı başa çatdıqdan sonra 5 iş günü ərzində elektron formada hazırlayaraq vergi ödəyicisinə göndərəcək. Vergi ödəyicisinin ƏDV bəyannaməsinin təqdim edilməsi müddəti başa çatanadək həmin bəyannamənin üzərində dəyişiklik aparmaq hüququ var. Qeyd edək ki, vergi ödəyicisi ƏDV bəyannaməsini aylıq hazırlamalı, növbəti ayın 20-dən gec olmayaraq vergi orqanına təqdim etməlidir. Əgər vergi ödəyicisi ƏDV bəyannaməsinin təqdim edilməsi müddəti başa çatanadək onu təsdiqləməzsə, bu zaman vergi orqanının hazırladığı bəyannamə əsas tutularaq təsdiq edilir və bu barədə vergi ödəyicisinə bildiriş göndərilir.

ƏDV bəyannaməsinin doldurulması üçün hansı məlumatlardan istifadə edilir?

ƏDV bəyannaməsinin əvvəlcədən doldurulması zamanı vergi orqanının istifadə etdiyi məlumatlar bunlardır:

  • dövlət reyestr məlumatları;
  • Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatının məlumatları;
  • elektron-qaimə faktura, elektron vergi hesab-fakturası, ƏDV depozit hesabı və yük gömrük bəyannaməsi məlumatları;
  • notariusun məlumatları;
  • əmək müqavilələri bildirişləri üzrə informasiya sisteminin məlumatları.

Hazırladı:

Fəxriyyə İKRAMQIZI

Mənbə: https://vergiler.az/news/taxes/3461.html



Vergilər bölümünün son xəbərləri

2019-08-23 | Kənd təsərrüfatı məhsullarının alğı-satqısına dair vergi öhdəlikləri
2019-08-22 | Vergi Məcəlləsində dəyişiklik edildi
2019-08-20 | Sərnişin və yükdaşımada ƏDV ödəyiciləri üçün elektron qaimə-fakturaların təqdim edilməsi
2019-08-20 | Beynəlxalq daşımalar zamanı ƏDV necə tənzimlənir?
2019-08-19 | Əmlak vergisi hesablanarkən amortizasiya xərclərinin çıxılması qaydası
2019-08-19 | Sahibkarlar "Smart kassa" - yeni nəsil kassa aparatları vasitəsilə fəaliyyətlərini optimallaşdıra biləcəklər
2019-08-15 | Yükdaşıma şirkətinin ƏDV öhdəliyi
2019-08-14 | Neft məhsullarına görə ödənilən yol vergisi
2019-08-12 | Mehmanxana fəaliyyəti ilə məşğul olanlarla bağlı - VERGİLƏRDƏN AÇIQLAMA
2019-08-12 | Əczaçılıq fəaliyyətinin vergiyə cəlb olunması. Video

LAYİHƏ HAQQINDA

MUHASIB.AZ saytının əsas məqsədi mühasibat uçotu və maliyyə sahələrində çalışan və gələcəkdə çalışmaq istəyən mütəxəssisləri lazımi məlumatlar ilə təmin etməkdir. Sayt həm tədris, həm də informativ-analitik formatda təşkil edilib.

Müəllif haqqında

MÜƏLLİFLƏRƏ:

Saytda istənilən şəxs mühasibat uçotu, IFRS, vergilər, maliyyə, audit və saytın əhatə etdiyi digər sahələr üzrə məqalələr yerləşdirə bilər. Bunun üçün məqaləni admin@muhasib.az ünvanına göndərmək kifayətdir.

ƏLAQƏ

Bakı, AZ 1004 Mikayıl Müşfiq küç. 2H.

(994)702011258

admin@muhasib.az

Məxfilik strateqiyası





www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!