Sahil Babayev: Yeni Sərəncam 180 manatdan çox maaş alanların da əmək haqqına müsbət təsir göstərəcək

2019-02-09 | Kadr işi | 583

Maaş artımı 600 mindən daha artıq işçini əhatə edəcək

Cənab Prezidentin 8 fevral 2019-cu il tarixli Sərəncamı təkcə 180 manata qədər olan əmək haqlarında deyil, vahid tarif cədvəli (VTC) üzrə müəyyən olunmuş və bundan da çox olan maaşlarda da artıma imkan verəcək.

Bunu əmək və əhalinin sosial müdafiəsi naziri Sahil Babayev KİV-ə müsahibəsində deyib.

Nazir bildirib ki, hazırda dövlət büdcəsindən maliyyələşən təşkilatlarda 450 mindən çox işçini əhatə edən 19 pilləli VTC üzrə əməyin ödənişi sistemi mövcuddur. Əgər bu 19 pillədən ilk pillədə əmək haqqı 180 manata qalxırsa, digər pillələr üzrə bundan yuxarı olan əmək haqlarında da müəyyən faizlərdə də artım baş verir. Nəticədə həmin 450 min şəxsin əmək haqlarında orta olaraq 30 faiz artım olacaq.

S.Babayev qeyd edib ki, özəl sektorda işləyənlərin də minimum əmək haqqı 180 manat müəyyən olunduğuna görə həmin sektor üzrə əmək haqları üzrə zəncirvari müsbət effekt özünü göstərəcək. Bu səbəbdən həmin sektor üzrə maaş artımının əhatə edəcəyi şəxslərin sayı üzrə ilkin rəqəm kimi 150 min olsa da, bu göstəricinin daha yüksək olacağı gözlənilir.

Ümumilikdə, dövlət və özəl sektor üzrə maaş artımının 600 mindən daha artıq işçini əhatə edəcəyini düşünmək olar.

Nazir minimum əmək haqqı artımının işçilərin təkcə bu gün üçün maaş formasında gəlirlərinin çoxalmasına deyil, həmçinin gələcək sosial təminatlarına müsbət təsir edəcəyini vurğulayıb. O deyib ki, artan əmək haqlarından sosial sığorta və işsizlikdən sığorta haqları üzrə ödəmələr də çoxalır. Belə olan halda işçinin fərdi hesabındakı pensiya kapitalı daha çox artır ki, bu da onun gələcək sosial təminatı, habelə gələcəkdə bu və ya digər səbəbdən işini itirərsə, ona təyin olunan işsizlikdən sığorta ödənişinin çox olması baxımından faydalıdır.

Mənbə: http://sosial.gov.az/post/1973?fbclid=IwAR2XCKBTtDgrznSNX3gcPHgvCtirlEQJ8ovGN6n50R2QESGCmmXLcP-kIRw

Sahil Babayev: Yeni Sərəncam 180 manatdan çox maaş alanların da əmək haqqına müsbət təsir göstərəcək

2019-02-09 | Kadr işi | 583

Maaş artımı 600 mindən daha artıq işçini əhatə edəcək

Cənab Prezidentin 8 fevral 2019-cu il tarixli Sərəncamı təkcə 180 manata qədər olan əmək haqlarında deyil, vahid tarif cədvəli (VTC) üzrə müəyyən olunmuş və bundan da çox olan maaşlarda da artıma imkan verəcək.

Bunu əmək və əhalinin sosial müdafiəsi naziri Sahil Babayev KİV-ə müsahibəsində deyib.

Nazir bildirib ki, hazırda dövlət büdcəsindən maliyyələşən təşkilatlarda 450 mindən çox işçini əhatə edən 19 pilləli VTC üzrə əməyin ödənişi sistemi mövcuddur. Əgər bu 19 pillədən ilk pillədə əmək haqqı 180 manata qalxırsa, digər pillələr üzrə bundan yuxarı olan əmək haqlarında da müəyyən faizlərdə də artım baş verir. Nəticədə həmin 450 min şəxsin əmək haqlarında orta olaraq 30 faiz artım olacaq.

S.Babayev qeyd edib ki, özəl sektorda işləyənlərin də minimum əmək haqqı 180 manat müəyyən olunduğuna görə həmin sektor üzrə əmək haqları üzrə zəncirvari müsbət effekt özünü göstərəcək. Bu səbəbdən həmin sektor üzrə maaş artımının əhatə edəcəyi şəxslərin sayı üzrə ilkin rəqəm kimi 150 min olsa da, bu göstəricinin daha yüksək olacağı gözlənilir.

Ümumilikdə, dövlət və özəl sektor üzrə maaş artımının 600 mindən daha artıq işçini əhatə edəcəyini düşünmək olar.

Nazir minimum əmək haqqı artımının işçilərin təkcə bu gün üçün maaş formasında gəlirlərinin çoxalmasına deyil, həmçinin gələcək sosial təminatlarına müsbət təsir edəcəyini vurğulayıb. O deyib ki, artan əmək haqlarından sosial sığorta və işsizlikdən sığorta haqları üzrə ödəmələr də çoxalır. Belə olan halda işçinin fərdi hesabındakı pensiya kapitalı daha çox artır ki, bu da onun gələcək sosial təminatı, habelə gələcəkdə bu və ya digər səbəbdən işini itirərsə, ona təyin olunan işsizlikdən sığorta ödənişinin çox olması baxımından faydalıdır.

Mənbə: http://sosial.gov.az/post/1973?fbclid=IwAR2XCKBTtDgrznSNX3gcPHgvCtirlEQJ8ovGN6n50R2QESGCmmXLcP-kIRw


Kadr işi bölümünün son xəbərləri

2019-02-15 | Minimum əmək pensiyasının artırılması üçün hazırlanmış qanun layihəsinə dair geniş mətbuat konfransı keçirilib
2019-02-15 | Nazir Sahil Babayev: Sosial müavinətlər artırılacaq
2019-02-11 | Özəl sektorda da minimum əmək haqqı 180 manatdan az müəyyən oluna bilməz
2019-02-11 | Minimum əmək haqqına görə digər maaşlar nə qədər artacaq? - MƏBLƏĞLƏR
2019-02-09 | Sahil Babayev: Yeni Sərəncam 180 manatdan çox maaş alanların da əmək haqqına müsbət təsir göstərəcək
2019-02-06 | Vergilər Nazirliyi işə qəbulla bağlı müsabiqə elan edir (YENİLƏNMİŞ)
2019-02-01 | Struktur islahatları iş yerlərinin ixtisarına səbəb olmamalıdır
2019-01-31 | Xidməti müqavilələrdən sui-istifadənin qarşısı alınır
2019-01-28 | Dövlət qurumlarında maaşlar özəl sektorun səviyyəsinə çatdırılacaq - RƏSMİ AÇIQLAMA
2019-01-04 | Əmək müqaviləsi ilə işləyənlərin vergi və sığorta öhdəliyi

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!