Mikayıl Cabbarov vergi daxilolmalarının artım səbəblərini açıqlayıb

2019-05-10 | İqtisadiyyat | 603

"İqtisadiyyatın artımı ölkəmizdə həyata keçirilən iqtisadi islahatlardan qaynaqlanır. Belə ki, birinci rüb ərzində ümumdaxili məhsul artıb. Doğrudur, vergi mədaxillərinin artım tempi ümumdaxili məhsul tempinin artımını bir neçə dəfə üstələyir, lakin ÜDM-nin birinci rübdə artması - real artımı üç faizdən çox olub, bu, müsbət fon yaradır".

Bunu Azərbaycanın Vergilər naziri Mikayıl Cabbarov İTV-də “Diqqət mərkəzi” verilişində vergi daxilolmaları üzrə gözləntilərin artıqlaması ilə yerinə yetirilməsinin səbəbləri barədə sualı cavablandırarkən bildirib.

Nazir qeyd edib ki, bu istiqamətdə ikinci vacib məsələ vergi ödəyiciləri ilə yeni münasibətlərin yaranmasından ibarətdir.

“2018-ci ildən başlayaraq, ümumilikdə səyyar vergi yoxlamalarının sayının azaldılmasına üstünlük vermişik. Bu resursu daha çox vergi ödəyicisinin maarifləndirilməsinə, ona xidmət göstərməsinə yönəltmişik. Bunun nəticəsində müşahidə edirik ki, könüllü şəkildə vergi ödənişlərinə əməl etmək əhəmiyyətli dərəcədə artıb.

Ötən illərdə vergi mədaxillərinin böyük hissəsi səyyar vergi yoxlamaları nəticəsində baş verirdisə, bu il bu dinamika əhəmiyyətli dərəcədə dəyişir, lakin bu, o demək deyil ki, biz vergi sahəsində olan pozuntulara göz yumuruq və ya göz yummaq niyyətindəyik.

Tam əksinə, yoxlamaların sayını azaltmaqla pozuntulara görə məsuliyyətin artırılması yolu ilə gedirik. Buna əsasımız var, çünki dövlətin siyasəti olaraq 2019-cu ildən vergi yükü bir çox sahələrdə azaldılıb. Lakin sivil cəmiyyətlərdə qəbul olunduğu kimi, Azərbaycan da, təbii olaraq, sivil cəmiyyətdir, dövlət tərəfindən vergi öhdəliklərinin tam həcmdə istisnasız, hər bir vergi ödəyicisi tərəfindən qarşılanması tələbi irəli sürülüb”.

M.Cabbarovun sözlərinə görə, bu istiqamətdə üçüncü səbəb vergi inzibatçılığının səmərəliliyinin artırılması amilidir.

“Bir çox sahələrdə, bir çox klastrlarda sistemli tədbirlər həyata keçirilib. Nümunə olaraq, aksizli malların klasteri, klinikaları, pərakəndə ticarət, ictimai iaşə sektorunu, daş, qum, çınqıl karyerlərini və s. qeyd edə bilərəm.

Bu və ya digər sahələrdə olan sistemli boşluqlar onu göstərir ki, klasterlərdə fəaliyyət göstərən əksər, bəlkə də, bütün vergi ödəyiciləri tərəfindən keçmişdə eyni vergi pozuntularına yol verilirdi və buna bir çox hallarda göz yumulurdu. Beləliklə, vergi inzibatçılığının təkmilləşdirilməsi, hesab edirəm ki, öz növbəsində müsbət amillərdən biridir”.

Mənbə: http://marja.az/news/42163

Mikayıl Cabbarov vergi daxilolmalarının artım səbəblərini açıqlayıb

2019-05-10 | İqtisadiyyat | 603

"İqtisadiyyatın artımı ölkəmizdə həyata keçirilən iqtisadi islahatlardan qaynaqlanır. Belə ki, birinci rüb ərzində ümumdaxili məhsul artıb. Doğrudur, vergi mədaxillərinin artım tempi ümumdaxili məhsul tempinin artımını bir neçə dəfə üstələyir, lakin ÜDM-nin birinci rübdə artması - real artımı üç faizdən çox olub, bu, müsbət fon yaradır".

Bunu Azərbaycanın Vergilər naziri Mikayıl Cabbarov İTV-də “Diqqət mərkəzi” verilişində vergi daxilolmaları üzrə gözləntilərin artıqlaması ilə yerinə yetirilməsinin səbəbləri barədə sualı cavablandırarkən bildirib.

Nazir qeyd edib ki, bu istiqamətdə ikinci vacib məsələ vergi ödəyiciləri ilə yeni münasibətlərin yaranmasından ibarətdir.

“2018-ci ildən başlayaraq, ümumilikdə səyyar vergi yoxlamalarının sayının azaldılmasına üstünlük vermişik. Bu resursu daha çox vergi ödəyicisinin maarifləndirilməsinə, ona xidmət göstərməsinə yönəltmişik. Bunun nəticəsində müşahidə edirik ki, könüllü şəkildə vergi ödənişlərinə əməl etmək əhəmiyyətli dərəcədə artıb.

Ötən illərdə vergi mədaxillərinin böyük hissəsi səyyar vergi yoxlamaları nəticəsində baş verirdisə, bu il bu dinamika əhəmiyyətli dərəcədə dəyişir, lakin bu, o demək deyil ki, biz vergi sahəsində olan pozuntulara göz yumuruq və ya göz yummaq niyyətindəyik.

Tam əksinə, yoxlamaların sayını azaltmaqla pozuntulara görə məsuliyyətin artırılması yolu ilə gedirik. Buna əsasımız var, çünki dövlətin siyasəti olaraq 2019-cu ildən vergi yükü bir çox sahələrdə azaldılıb. Lakin sivil cəmiyyətlərdə qəbul olunduğu kimi, Azərbaycan da, təbii olaraq, sivil cəmiyyətdir, dövlət tərəfindən vergi öhdəliklərinin tam həcmdə istisnasız, hər bir vergi ödəyicisi tərəfindən qarşılanması tələbi irəli sürülüb”.

M.Cabbarovun sözlərinə görə, bu istiqamətdə üçüncü səbəb vergi inzibatçılığının səmərəliliyinin artırılması amilidir.

“Bir çox sahələrdə, bir çox klastrlarda sistemli tədbirlər həyata keçirilib. Nümunə olaraq, aksizli malların klasteri, klinikaları, pərakəndə ticarət, ictimai iaşə sektorunu, daş, qum, çınqıl karyerlərini və s. qeyd edə bilərəm.

Bu və ya digər sahələrdə olan sistemli boşluqlar onu göstərir ki, klasterlərdə fəaliyyət göstərən əksər, bəlkə də, bütün vergi ödəyiciləri tərəfindən keçmişdə eyni vergi pozuntularına yol verilirdi və buna bir çox hallarda göz yumulurdu. Beləliklə, vergi inzibatçılığının təkmilləşdirilməsi, hesab edirəm ki, öz növbəsində müsbət amillərdən biridir”.

Mənbə: http://marja.az/news/42163



İqtisadiyyat bölümünün son xəbərləri

2020-06-04 | Baş Nazir Əli Əsədov vətəndaşlara müraciət edib
2020-06-04 | Bəzi fərdi sahibkarların sosial sığorta öhdəlikləri və sosial sığorta yükü azaldılıb
2020-06-04 | Vergi Məcəlləsində dəyişikliklər sahibkarlarda öz bizneslərini şəffaflaşdırmağa marağı artıracaq
2020-05-29 | Ələt azad iqtisadi zonası yaradılıb
2020-05-29 | Fermer kartından istifadə ilə bağlı fermerlərə xəbərdarlıq edilib
2020-05-29 | Azərbaycanda xüsusi karantin rejiminin müddəti iyunun 15-dək uzadılıb
2020-05-21 | Sahibkarlıq subyektlərinin bölgüsü meyarlarında dəqiqləşdirmə aparılıb
2020-05-17 | Mikro, kiçik, orta və iri sahibkarlıq subyektləri - MEYARI DƏYİŞİB
2020-05-16 | Aqrar məhsulların nağd alışı üçün yuxarı hədd müəyyənləşdi
2020-05-16 | AR İqtisadiyyat Nazirliyi yanında Dövlət Vergi Xidmətinin ƏSASNAMƏSİ

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!