Xarici investisiyalı MMC-lərin elektron dövlət qeydiyyatı proseduru qüvvəyə minib

2017-10-18 | Hüquq | 603

Azərbaycanda xarici investisiyalı məhdud məsuliyyətli cəmiyyətin elektron dövlət qeydiyyatı proseduru qüvvəyə minib.

APA-nın məlumatına görə, bu, Azərbaycan prezidenti İlham Əliyevin fərmanı ilə qüvvəyə minən "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununda dəyişikliklər edilməsi barədə” qanunda əksini tapıb.

Xarici investisiyalı məhdud məsuliyyətli cəmiyyət əcnəbi və ya vətəndaşlığı olmayan şəxs, habelə xarici ölkədə dövlət qeydiyyatına alınmış hüquqi şəxs tərəfindən təsis edilən məhdud məsuliyyətli cəmiyyətdir. Beləliklə, bundan sonra xarici investisiyalı məhdud məsuliyyətli cəmiyyətin elektron dövlət qeydiyyatının həyata keçirilməsi üçün əcnəbi və ya vətəndaşlığı olmayan şəxs müvafiq icra hakimiyyəti orqanının internet informasiya ehtiyatında yerləşdirilmiş elektron ərizə formasını dolduraraq gücləndirilmiş elektron imza ilə təsdiq edəcək.

Elektron dövlət qeydiyyatı zamanı təsisçi (təsisçilər) fəaliyyət sahəsi barədə məlumatı bəyan edəcək, özü tərəfindən daxil edilmiş məlumatlara əsasən proqram təminatı tərəfindən hazırlanmış nizamnamə ilə real vaxt rejimində tanış olacaq və onu gücləndirilmiş elektron imza ilə təsdiq edəcək. Elektron dövlət qeydiyyatı zamanı xarici investisiyalı məhdud məsuliyyətli cəmiyyətin Azərbaycan Respublikasında hüquqi ünvanını təsdiq edən sənəd Azərbaycan dilinə tərcümə edilmiş nüsxəsi ilə birlikdə skan edilərək ərizəyə əlavə olunmalıdır. Elektron dövlət qeydiyyatı zamanı ərizənin qəbul edilməsi barədə forması Vergilər Nazirliyi tərəfindən müəyyən edilən təsdiqetmə bildirişi müraciət edənin elektron ünvanına göndəriləcək. Xarici investisiyalı məhdud məsuliyyətli cəmiyyət dövlət qeydiyyatına alındığı gün dövlət qeydiyyatı haqqında şəhadətnamə, dövlət reyestrindən çıxarış və nizamnamə onun elektron ünvanına göndəriləcək.

Xarici investisiyalı məhdud məsuliyyətli cəmiyyətin elektron dövlət qeydiyyatı Vergilər Nazirliyi tərəfindən aparılacaq.

Azərbaycan Respublikasının Prezidentinin Fərmanı ilə aşağıdakı linkdən tanış ola bilərsiniz:

http://president.az/articles/25555

Mənbə: https://apa.az/maliyye_xeberleri/xarici-investisiyali-mmc-lerin-elektron-dovlet-qeydiyyati-proseduru-quvveye-minib-2322.html

Xarici investisiyalı MMC-lərin elektron dövlət qeydiyyatı proseduru qüvvəyə minib

2017-10-18 | Hüquq | 603

Azərbaycanda xarici investisiyalı məhdud məsuliyyətli cəmiyyətin elektron dövlət qeydiyyatı proseduru qüvvəyə minib.

APA-nın məlumatına görə, bu, Azərbaycan prezidenti İlham Əliyevin fərmanı ilə qüvvəyə minən "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununda dəyişikliklər edilməsi barədə” qanunda əksini tapıb.

Xarici investisiyalı məhdud məsuliyyətli cəmiyyət əcnəbi və ya vətəndaşlığı olmayan şəxs, habelə xarici ölkədə dövlət qeydiyyatına alınmış hüquqi şəxs tərəfindən təsis edilən məhdud məsuliyyətli cəmiyyətdir. Beləliklə, bundan sonra xarici investisiyalı məhdud məsuliyyətli cəmiyyətin elektron dövlət qeydiyyatının həyata keçirilməsi üçün əcnəbi və ya vətəndaşlığı olmayan şəxs müvafiq icra hakimiyyəti orqanının internet informasiya ehtiyatında yerləşdirilmiş elektron ərizə formasını dolduraraq gücləndirilmiş elektron imza ilə təsdiq edəcək.

Elektron dövlət qeydiyyatı zamanı təsisçi (təsisçilər) fəaliyyət sahəsi barədə məlumatı bəyan edəcək, özü tərəfindən daxil edilmiş məlumatlara əsasən proqram təminatı tərəfindən hazırlanmış nizamnamə ilə real vaxt rejimində tanış olacaq və onu gücləndirilmiş elektron imza ilə təsdiq edəcək. Elektron dövlət qeydiyyatı zamanı xarici investisiyalı məhdud məsuliyyətli cəmiyyətin Azərbaycan Respublikasında hüquqi ünvanını təsdiq edən sənəd Azərbaycan dilinə tərcümə edilmiş nüsxəsi ilə birlikdə skan edilərək ərizəyə əlavə olunmalıdır. Elektron dövlət qeydiyyatı zamanı ərizənin qəbul edilməsi barədə forması Vergilər Nazirliyi tərəfindən müəyyən edilən təsdiqetmə bildirişi müraciət edənin elektron ünvanına göndəriləcək. Xarici investisiyalı məhdud məsuliyyətli cəmiyyət dövlət qeydiyyatına alındığı gün dövlət qeydiyyatı haqqında şəhadətnamə, dövlət reyestrindən çıxarış və nizamnamə onun elektron ünvanına göndəriləcək.

Xarici investisiyalı məhdud məsuliyyətli cəmiyyətin elektron dövlət qeydiyyatı Vergilər Nazirliyi tərəfindən aparılacaq.

Azərbaycan Respublikasının Prezidentinin Fərmanı ilə aşağıdakı linkdən tanış ola bilərsiniz:

http://president.az/articles/25555

Mənbə: https://apa.az/maliyye_xeberleri/xarici-investisiyali-mmc-lerin-elektron-dovlet-qeydiyyati-proseduru-quvveye-minib-2322.html



Hüquq bölümünün son xəbərləri

2020-08-31 | BNA taksi fəaliyyətinə daha ciddi nəzarət üçün konsepsiya hazırlayıb
2020-08-10 | Azərbaycana daxil olan xarici yük daşıyıcıları ilə bağlı qanun hazırlanacaq
2020-07-04 | Ticarət festivallarının təşkili Qaydasında dəyişiklik olunub
2020-06-01 | Dövlət rüsumu haqqında Qanuna dəyişikliklər qəbul edilib
2020-04-24 | Azərbaycanda təhsil müəssisələrinin lisenziya alma qaydası dəyişir
2020-04-24 | Azərbaycanda yük göndərənin - MƏSULİYYƏTİ ARTIRILIR
2020-04-24 | Dövlət mülkiyyətində olan bəzi torpaqların icarəsi ləğv edilir
2020-11-04 | Nazirlər Kabineti: Kənd təsərrüfatı məhsulunu Bakıya arayışla da gətirmək olar
2020-04-11 | Azərbaycanda sahibkarlara ixracla bağlı tələb olunan - SƏNƏDLƏR VERİLİB
2020-03-26 | Hüquqi şəxslər barəsində cinayət-hüquqi tədbirlərin təmin edilməsi qaydası - DƏYİŞİR

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!