Sahibkarlar sabit xərclərin bir hissəsindən azad ediləcək

2020-04-28 | İqtisadiyyat | 504

İqtisadiyyat Nazirliyi Vergi Məcəlləsinə zəruri dəyişikliklərlə bağlı təkliflər hazırlayıb. Hökumətdə yenidən baxıldıqdan sonra təkliflər paketinə daxil olan sənəd layihələri Milli Məclisə təqdim olunub. Təkliflər paketində koronavirus pandemiyasının bilavasitə təsir etdiyi fəaliyyət istiqamətləri üzrə vergi ödəyicilərinin 2020-ci il 1 yanvar tarixindən bir il müddətinə əmlak və torpaq vergilərindən tam məbləğdə azad olmaları təklif edilib. İqtisadi Resursların Öyrənilməsi Mərkəzinin rəhbəri Ruslan Atakişiyev güzəştin hansı sahələrə aid ediləcəyini açıqlayıb.

Vergi Məcəlləsinə təklif olunan yeni düzəlişlərlə bir sıra subyektlərin torpaq və əmlak vergisindən azad edilməsi daha çox konoravirus pandemiyasından birbaşa zərər çəkən sahələrə şamil olunacaq. 2020- ci il yanvarın 1-dən bir il müddətinə əmlak və torpaq vergilərindən tam azad olunan sahələrə mehmanxanalar, hotellər, hostellər, turoperatorlar, turagentlər, restoranlar, yeməkxanalar, kafelər, eləcə də ölkədaxili sərnişin daşınması ilə məşğul olan, xüsusilə rayonlararası, şəhərdaxili, rayondaxili daşımaları həyata keçirən müxtəlif nəqliyyat şirkətləri, sifarişlər üzrə ərzaq və qeyri-ərzaq mallarının satıcılarından alıcılara daşınması və çatdırılması işi ilə məşğul olan şirkətlər, sərgilərin təşkili, istirahət və əyləncə, kinoteatr, teatr, muzeylər və konsert zalları, idman sağlamlıq mərkəzləri, tədris mərkəzləri, ixtisasartırma kursları, hazırlıq kursları aiddir. Aydındır ki, bu sahələrdə fəaliyyət göstərən sahibkarlıq subyektlərinin istifadəsində torpaqlar və əmlaklar vardır.

Hazırda qüvvədə olan qanunvericiliyə əsasən, sadaladığımız sahələrdə fəaliyyət göstərən şirkətlərdən hər hansı birinin daşınmaz əmlakı varsa, ilin sonuna onun qalıq dəyəri çıxarılır və ona nisbətən əmlak vergisi hesablanıb ödənilir. Məsələn, hazırkı şərtlərə görə, 70 min manatlıq əmlakı olan şirkət 700 manat əmlak vergisi ödəməlidir. Əgər təkliflər qəbul edilərsə, həmin şirkət bir il ərzində bu ödənişdən azad olunacaq.

Bəs əmlak və torpaq vergisindən azad olmaq sahibkarlara nə verir? Nəzərə almaq lazımdır ki, əmlak və torpaq vergisi şirkətlərin sabit xərclərinə aiddir. Müəssisənin, şirkətin fəaliyyəti olmayanda bu sabit xərclərin həcmi müəssisə üçün ağırlıq yaradır. Müəssisə bu ağırlığa tab gətirmədikdə müflis ola və ya böyük zərərə düşə bilər. Ona görə də təkliflər paketində müəssisələrin əmlak, torpaq vergisindən azad olunmaları nəzərə tutulub. Bununla dövlət həmin sahibkarlıq subyektlərinə imkan yaradır ki, onlar fəaliyyət göstərmədikləri müddətlərdə sabit xərclərin bir hissəsindən qurtulsunlar.

Bu yolla sahibkarlar həmin vəsaitlərə qənaət edəcək və fəaliyyətlərini bərpa etdikdə bu, onlar üçün yeni imkan yaradacaq.

Fərqanə ALLAHVERDİQIZI

Mənbə: https://vergiler.az/news/economy/8274.html

Sahibkarlar sabit xərclərin bir hissəsindən azad ediləcək

2020-04-28 | İqtisadiyyat | 504

İqtisadiyyat Nazirliyi Vergi Məcəlləsinə zəruri dəyişikliklərlə bağlı təkliflər hazırlayıb. Hökumətdə yenidən baxıldıqdan sonra təkliflər paketinə daxil olan sənəd layihələri Milli Məclisə təqdim olunub. Təkliflər paketində koronavirus pandemiyasının bilavasitə təsir etdiyi fəaliyyət istiqamətləri üzrə vergi ödəyicilərinin 2020-ci il 1 yanvar tarixindən bir il müddətinə əmlak və torpaq vergilərindən tam məbləğdə azad olmaları təklif edilib. İqtisadi Resursların Öyrənilməsi Mərkəzinin rəhbəri Ruslan Atakişiyev güzəştin hansı sahələrə aid ediləcəyini açıqlayıb.

Vergi Məcəlləsinə təklif olunan yeni düzəlişlərlə bir sıra subyektlərin torpaq və əmlak vergisindən azad edilməsi daha çox konoravirus pandemiyasından birbaşa zərər çəkən sahələrə şamil olunacaq. 2020- ci il yanvarın 1-dən bir il müddətinə əmlak və torpaq vergilərindən tam azad olunan sahələrə mehmanxanalar, hotellər, hostellər, turoperatorlar, turagentlər, restoranlar, yeməkxanalar, kafelər, eləcə də ölkədaxili sərnişin daşınması ilə məşğul olan, xüsusilə rayonlararası, şəhərdaxili, rayondaxili daşımaları həyata keçirən müxtəlif nəqliyyat şirkətləri, sifarişlər üzrə ərzaq və qeyri-ərzaq mallarının satıcılarından alıcılara daşınması və çatdırılması işi ilə məşğul olan şirkətlər, sərgilərin təşkili, istirahət və əyləncə, kinoteatr, teatr, muzeylər və konsert zalları, idman sağlamlıq mərkəzləri, tədris mərkəzləri, ixtisasartırma kursları, hazırlıq kursları aiddir. Aydındır ki, bu sahələrdə fəaliyyət göstərən sahibkarlıq subyektlərinin istifadəsində torpaqlar və əmlaklar vardır.

Hazırda qüvvədə olan qanunvericiliyə əsasən, sadaladığımız sahələrdə fəaliyyət göstərən şirkətlərdən hər hansı birinin daşınmaz əmlakı varsa, ilin sonuna onun qalıq dəyəri çıxarılır və ona nisbətən əmlak vergisi hesablanıb ödənilir. Məsələn, hazırkı şərtlərə görə, 70 min manatlıq əmlakı olan şirkət 700 manat əmlak vergisi ödəməlidir. Əgər təkliflər qəbul edilərsə, həmin şirkət bir il ərzində bu ödənişdən azad olunacaq.

Bəs əmlak və torpaq vergisindən azad olmaq sahibkarlara nə verir? Nəzərə almaq lazımdır ki, əmlak və torpaq vergisi şirkətlərin sabit xərclərinə aiddir. Müəssisənin, şirkətin fəaliyyəti olmayanda bu sabit xərclərin həcmi müəssisə üçün ağırlıq yaradır. Müəssisə bu ağırlığa tab gətirmədikdə müflis ola və ya böyük zərərə düşə bilər. Ona görə də təkliflər paketində müəssisələrin əmlak, torpaq vergisindən azad olunmaları nəzərə tutulub. Bununla dövlət həmin sahibkarlıq subyektlərinə imkan yaradır ki, onlar fəaliyyət göstərmədikləri müddətlərdə sabit xərclərin bir hissəsindən qurtulsunlar.

Bu yolla sahibkarlar həmin vəsaitlərə qənaət edəcək və fəaliyyətlərini bərpa etdikdə bu, onlar üçün yeni imkan yaradacaq.

Fərqanə ALLAHVERDİQIZI

Mənbə: https://vergiler.az/news/economy/8274.html



İqtisadiyyat bölümünün son xəbərləri

2021-01-15 | Mikayıl Cabbarov: İşğaldan azad olunmuş ərazilərə xüsusi güzəştli iqtisadi rejimin tətbiqi təklif olunur
2021-01-03 | Azərbaycanda yaşayış minimumu 196 manat məbləğində müəyyən edilib
2020-12-12 | Sahibkarlıq fəaliyyətindən irəli gələn kommersiya riskləri və onların idarə edilməsi adlı layihənin icrası sona çatdı
2020-12-11 | ARPA-nın yeni korporativ üzvü Azəralüminium MMC
2020-11-23 | Sahibkarlıq fəaliyyətindən irəli gələn kommersiya riskləri və onların idarə edilməsi adlı layihənin təlimləri sona çatdı
2020-11-16 | Nazirlər Kabineti Malların ixrac qeydi ilə satışı Qaydasını təsdiq edib
2020-11-16 | Asan İmza sertifikatlarının onlayn alınması və yenilənməsi ilə bağlı yeni elektron xidmət istifadəyə verilib - VİDEO
2020-10-12 | Sahibkarlıq fəaliyyətindən irəli gələn kommersiya riskləri və onların idarə edilməsi adlı layihədə iştirak üçün qeydiyyat başlamışdır.
2020-09-23 | Pandemiya və vergi güzəştləri
2020-08-31 | Ölkənin turizm sektorunun tənəzzüldən çıxarılması üçün təklif

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!