Şirkət rəhbərlərinə müqavilə məhdudiyyəti
2015-05-19 | Hüquq |
3637
Azərbaycanda şirkətlərin, öz rəhbərləri, səhmdarları və onaların qohumları ilə bağlanılan müqavilələrə bəzi məhdudiyyətlər tətbiq olunacaq.
"Marja"nın məlumatına görə, Azərbaycan Respublikasının Mülki Məcəlləsinə "Hüquqi şəxs tərəfindən aidiyyəti şəxslərlə əqdlərin bağlanması qaydası" adlı 49-1-ci maddə əlavə olunur.
Həmin maddədə qeyd olunur ki, hüquqi şəxsə (şirkətə) aidiyyəti olan şəxslə həmin hüquqi şəxs arasında bağlanılan hər hansı əqd, razılaşma və yaxud əlaqəli əqdlər məcmusu aidiyyəti şəxslə əqd hesab edilir.
Hüquqi şəxsə aidiyyəti olan şəxslər - hüquqi şəxsin direktorlar şurasının (müşahidə şurasının) və icra orqanının rəhbəri və üzvləri, hüquqi şəxsin struktur bölməsinin (filial, nümayəndəlik, idarə və s.) rəhbəri, həmin şəxslərin qohumları (əri (arvadı), valideynləri, o cümlədən ərinin, arvadının valideynləri, babaları və nənələri, övladları, övladlığa götürənləri (götürülənləri), qardaşları və bacıları), hüquqi şəxsin nizamnamə kapitalında ən azı 10 faiz və daha çox paya birbaşa və ya dolayı yolla malik olan hər hansı şəxs və həmin şəxslərin birbaşa və ya dolayısı ilə iştirak etdiyi hüquqi şəxslər, hüquqi şəxsin, nizamnamə kapitalında ən azı 20 faiz payla iştirak etdiyi hüquqi şəxs və hüquqi şəxslərdə ən azı 20 faiz paya (səhmlərə) malik olan hər hansı şəxs, o cümlədən həmin şəxslərin direktorlar şurasının (müşahidə şurasının) və icra orqanlarının rəhbərləri hesab olunurlar.
5% MƏHDUDİYYƏTİ VƏ AUDİTOR TƏLƏBİ
Qanuna edilən əlavəyə görə, aidiyyəti şəxslə bağlanması nəzərdə tutulan əqdin dəyəri hüquqi şəxsin aktivlərinin 5 faiz və daha çox hissəsini təşkil etdikdə, həmin əqd hüquqi şəxs tərəfindən cəlb edilmiş müstəqil auditorun rəyi və hüquqi şəxsin iştirakçılarının ümumi yığıncağının sadə səs çoxluğu ilə qəbul edilmiş qərarı ilə bağlanılır. Həmin əqdə münasibətdə aidiyyəti şəxs olan iştirakçı məsələ ilə əlaqədar olan səsvermədə iştirak edə bilməz.
Aidiyyəti şəxslə bağlanması nəzərdə tutulan əqdin dəyəri hüquqi şəxsin aktivlərinin 5 faizədək hissəsini təşkil etdikdə, həmin əqd hüquqi şəxsin nizamnaməsinə uyğun olaraq, onun iştirakçılarının ümumi yığıncağı, direktorlar şurası (müşahidə şurası) və ya icra orqanı tərəfindən qəbul olunur. Bu halda iştirakçıların ümumi yığıncağında, direktorlar şurasının (müşahidə şurasının) və kollegial icra orqanının iclaslarında aidiyyəti şəxs olan iştirakçı (üzv) səsvermədə iştirak edə bilməz.
SƏDR SİFARİŞİ ÖZ QOHUMLARINA VƏ ŞİRKƏTİNƏ ASAN ÖTÜRƏ BİLMƏYƏCƏK
Hüquqi şəxsin təkbaşına icra orqanının rəhbəri (İdarə heyətinin sədri, direktoru) , habelə onun qohumları və şirkəti (və ya payı olduğu şirkət) aidiyyəti şəxs qismində çıxış etdikdə onlarla hüquqi şəxs arasında əqd direktorlar şurasının (müşahidə şurasının), o olmadıqda isə hüquqi şəxsin ümumi yığıncağının qərarı ilə bağlanılır.
Əqdin yuxarıda qeyd olunan tələblər pozulmaqla bağlanılması nəticəsində hüquqi şəxsə dəyən zərərə görə təqsiri olan şəxslər məsuliyyət daşıyır. Əqdin digər tərəfi əqdin tələblər pozulmaqla bağlandığını bildikdə hüquqi şəxs və ya onun istənilən iştirakçısı bu həmin əqdi mübahisələndirə bilər.
Hüquqi şəxsin direktorlar şurasının (müşahidə şurasının) rəhbəri və ya üzvləri qohumları və şirkəti (və ya payı olduğu şirkət) ilə müqavilə bağlanması nəzərdə tutulduqda bu barədə hüquqi şəxsin iştirakçılarına, hüquqi şəxsin icra orqanının rəhbəri və ya üzvləri isə direktorlar şurasına (o olmadıqda hüquqi şəxsin iştirakçılarına), digər aidiyyəti şəxslər isə İdarə heyətinə yazılı şəkildə təqdim etməlidirlər.
Qeyd edək ki, Azərbaycan Respublikasının Mülki Məcəlləsində dəyişikliklər edilməsi haqqında qanun layihəsi 15 May 2015-ci il tarixində birinci oxunuşdan keçib.
Şirkət rəhbərlərinə müqavilə məhdudiyyəti
2015-05-19 | Hüquq | 3637
Azərbaycanda şirkətlərin, öz rəhbərləri, səhmdarları və onaların qohumları ilə bağlanılan müqavilələrə bəzi məhdudiyyətlər tətbiq olunacaq.
"Marja"nın məlumatına görə, Azərbaycan Respublikasının Mülki Məcəlləsinə "Hüquqi şəxs tərəfindən aidiyyəti şəxslərlə əqdlərin bağlanması qaydası" adlı 49-1-ci maddə əlavə olunur.
Həmin maddədə qeyd olunur ki, hüquqi şəxsə (şirkətə) aidiyyəti olan şəxslə həmin hüquqi şəxs arasında bağlanılan hər hansı əqd, razılaşma və yaxud əlaqəli əqdlər məcmusu aidiyyəti şəxslə əqd hesab edilir.
Hüquqi şəxsə aidiyyəti olan şəxslər - hüquqi şəxsin direktorlar şurasının (müşahidə şurasının) və icra orqanının rəhbəri və üzvləri, hüquqi şəxsin struktur bölməsinin (filial, nümayəndəlik, idarə və s.) rəhbəri, həmin şəxslərin qohumları (əri (arvadı), valideynləri, o cümlədən ərinin, arvadının valideynləri, babaları və nənələri, övladları, övladlığa götürənləri (götürülənləri), qardaşları və bacıları), hüquqi şəxsin nizamnamə kapitalında ən azı 10 faiz və daha çox paya birbaşa və ya dolayı yolla malik olan hər hansı şəxs və həmin şəxslərin birbaşa və ya dolayısı ilə iştirak etdiyi hüquqi şəxslər, hüquqi şəxsin, nizamnamə kapitalında ən azı 20 faiz payla iştirak etdiyi hüquqi şəxs və hüquqi şəxslərdə ən azı 20 faiz paya (səhmlərə) malik olan hər hansı şəxs, o cümlədən həmin şəxslərin direktorlar şurasının (müşahidə şurasının) və icra orqanlarının rəhbərləri hesab olunurlar.
5% MƏHDUDİYYƏTİ VƏ AUDİTOR TƏLƏBİ
Qanuna edilən əlavəyə görə, aidiyyəti şəxslə bağlanması nəzərdə tutulan əqdin dəyəri hüquqi şəxsin aktivlərinin 5 faiz və daha çox hissəsini təşkil etdikdə, həmin əqd hüquqi şəxs tərəfindən cəlb edilmiş müstəqil auditorun rəyi və hüquqi şəxsin iştirakçılarının ümumi yığıncağının sadə səs çoxluğu ilə qəbul edilmiş qərarı ilə bağlanılır. Həmin əqdə münasibətdə aidiyyəti şəxs olan iştirakçı məsələ ilə əlaqədar olan səsvermədə iştirak edə bilməz.
Aidiyyəti şəxslə bağlanması nəzərdə tutulan əqdin dəyəri hüquqi şəxsin aktivlərinin 5 faizədək hissəsini təşkil etdikdə, həmin əqd hüquqi şəxsin nizamnaməsinə uyğun olaraq, onun iştirakçılarının ümumi yığıncağı, direktorlar şurası (müşahidə şurası) və ya icra orqanı tərəfindən qəbul olunur. Bu halda iştirakçıların ümumi yığıncağında, direktorlar şurasının (müşahidə şurasının) və kollegial icra orqanının iclaslarında aidiyyəti şəxs olan iştirakçı (üzv) səsvermədə iştirak edə bilməz.
SƏDR SİFARİŞİ ÖZ QOHUMLARINA VƏ ŞİRKƏTİNƏ ASAN ÖTÜRƏ BİLMƏYƏCƏK
Hüquqi şəxsin təkbaşına icra orqanının rəhbəri (İdarə heyətinin sədri, direktoru) , habelə onun qohumları və şirkəti (və ya payı olduğu şirkət) aidiyyəti şəxs qismində çıxış etdikdə onlarla hüquqi şəxs arasında əqd direktorlar şurasının (müşahidə şurasının), o olmadıqda isə hüquqi şəxsin ümumi yığıncağının qərarı ilə bağlanılır.
Əqdin yuxarıda qeyd olunan tələblər pozulmaqla bağlanılması nəticəsində hüquqi şəxsə dəyən zərərə görə təqsiri olan şəxslər məsuliyyət daşıyır. Əqdin digər tərəfi əqdin tələblər pozulmaqla bağlandığını bildikdə hüquqi şəxs və ya onun istənilən iştirakçısı bu həmin əqdi mübahisələndirə bilər.
Hüquqi şəxsin direktorlar şurasının (müşahidə şurasının) rəhbəri və ya üzvləri qohumları və şirkəti (və ya payı olduğu şirkət) ilə müqavilə bağlanması nəzərdə tutulduqda bu barədə hüquqi şəxsin iştirakçılarına, hüquqi şəxsin icra orqanının rəhbəri və ya üzvləri isə direktorlar şurasına (o olmadıqda hüquqi şəxsin iştirakçılarına), digər aidiyyəti şəxslər isə İdarə heyətinə yazılı şəkildə təqdim etməlidirlər.
Qeyd edək ki, Azərbaycan Respublikasının Mülki Məcəlləsində dəyişikliklər edilməsi haqqında qanun layihəsi 15 May 2015-ci il tarixində birinci oxunuşdan keçib.
Hüquq bölümünün son xəbərləri |