Mikayıl Cabbarov: Startaplara tətbiq edilən güzəştlər vergi yığımlarına təsir etməyəcək

2020-01-17 | İqtisadiyyat | 541

“Startap şəhadətnaməsi”nin verilməsi üçün meyarların razılaşdırılması kifayət qədər uzun proses oldu. Biz meyarları o formatda və məzmunda yazmalı idik ki, burada bir tərəfdən innovativ fəaliyyət, startap fəaliyyəti üçün güzəştlər tətbiq edilsin”.

Bunu 2019-cu ilin yekunlarına həsr olunmuş mətbuat konfransında “Report”un “Startap şəhadətnaməsi”nin verilməsində yubanmaların olması ilə bağlı sualına aydınlıq gətirən İqtisadiyyat naziri Mikayıl Cabbarov deyib.

M.Cabbarov əlavə edib ki, prosesin uzanmasının səbəblərindən biri də ədalətli rəqabət prinsiplərinin pozulmamasına nail olmaq olub: “Digər tərəfdən bu vergi güzəşti sui-istifadə elementinə çevrilməsin və ədalətsiz rəqabətə gətirib çıxarmasın. Biz burada əminik ki, qəbul edilmiş qanunvericilik çərçivəsi bizə bu imkanı verir. Növbəti məsuliyyət zonamız həmin qanunvericilik çərçivəsinin tətbiqi, inzibatçılığıdır. Biz bu sahədə də kifayət qədər bilik, bacarıq, resurs və istəyimizin mövcudluğuna və o məsələlərin öz əksini tapmasına inanırıq.

Bunu da unutmaq lazım deyil ki, ədalətli rəqabətin təmin edilməsi İqtisadiyyat Nazirliyinin tərkibində fəaliyyət göstərən müvafiq xidmətin əsas vəzifələrindən biridir. Bu prizmadan əgər istənilən fəaliyyət antiinhisar rəqabəti pozan fəaliyyət kimi qiymətləndirilə bilərsə, bu hər zaman analoji şəkildə baxıla bilər. Yəni biz bu funksiyanı nəinki unutmuruq, bu funksiya bazar iqtisadiyyatında ən əsas funksiyalardan biridir”, - deyə nazir əlavə edib.

İqtisadiyyat naziri startaplara tətbiq edilən güzəştlərin vergi yığımlarına təsiri olmayacağını qeyd edib: “Bu, birinci hal deyil ki, ölkə qanunvericiliyində bu və ya digər sahələrin inkişafı üçün xüsusi güzəştlər tətbiq edilir. Digər qanunvericilikdə təsbit edilmiş məqsədlər üçün mənim göstərdiyim bəzi rəqəmlərdən, dinamikadan da görürük ki, hətta əhəmiyyətli güzəştlərin tətbiq edilməsi belə vergi və fiskal yığımlara təsiri hesablanaraq verilir. Hətta qısa müddətdə biz onların nəticələrini görə bilirik”, - M.Cabbarov əlavə edib.

Mənbə: https://report.az/maliyye/startaplara-tetbiq-edilen-guzestler-vergi-yigimlarina-tesir-etmeyecek/

Mikayıl Cabbarov: Startaplara tətbiq edilən güzəştlər vergi yığımlarına təsir etməyəcək

2020-01-17 | İqtisadiyyat | 541

“Startap şəhadətnaməsi”nin verilməsi üçün meyarların razılaşdırılması kifayət qədər uzun proses oldu. Biz meyarları o formatda və məzmunda yazmalı idik ki, burada bir tərəfdən innovativ fəaliyyət, startap fəaliyyəti üçün güzəştlər tətbiq edilsin”.

Bunu 2019-cu ilin yekunlarına həsr olunmuş mətbuat konfransında “Report”un “Startap şəhadətnaməsi”nin verilməsində yubanmaların olması ilə bağlı sualına aydınlıq gətirən İqtisadiyyat naziri Mikayıl Cabbarov deyib.

M.Cabbarov əlavə edib ki, prosesin uzanmasının səbəblərindən biri də ədalətli rəqabət prinsiplərinin pozulmamasına nail olmaq olub: “Digər tərəfdən bu vergi güzəşti sui-istifadə elementinə çevrilməsin və ədalətsiz rəqabətə gətirib çıxarmasın. Biz burada əminik ki, qəbul edilmiş qanunvericilik çərçivəsi bizə bu imkanı verir. Növbəti məsuliyyət zonamız həmin qanunvericilik çərçivəsinin tətbiqi, inzibatçılığıdır. Biz bu sahədə də kifayət qədər bilik, bacarıq, resurs və istəyimizin mövcudluğuna və o məsələlərin öz əksini tapmasına inanırıq.

Bunu da unutmaq lazım deyil ki, ədalətli rəqabətin təmin edilməsi İqtisadiyyat Nazirliyinin tərkibində fəaliyyət göstərən müvafiq xidmətin əsas vəzifələrindən biridir. Bu prizmadan əgər istənilən fəaliyyət antiinhisar rəqabəti pozan fəaliyyət kimi qiymətləndirilə bilərsə, bu hər zaman analoji şəkildə baxıla bilər. Yəni biz bu funksiyanı nəinki unutmuruq, bu funksiya bazar iqtisadiyyatında ən əsas funksiyalardan biridir”, - deyə nazir əlavə edib.

İqtisadiyyat naziri startaplara tətbiq edilən güzəştlərin vergi yığımlarına təsiri olmayacağını qeyd edib: “Bu, birinci hal deyil ki, ölkə qanunvericiliyində bu və ya digər sahələrin inkişafı üçün xüsusi güzəştlər tətbiq edilir. Digər qanunvericilikdə təsbit edilmiş məqsədlər üçün mənim göstərdiyim bəzi rəqəmlərdən, dinamikadan da görürük ki, hətta əhəmiyyətli güzəştlərin tətbiq edilməsi belə vergi və fiskal yığımlara təsiri hesablanaraq verilir. Hətta qısa müddətdə biz onların nəticələrini görə bilirik”, - M.Cabbarov əlavə edib.

Mənbə: https://report.az/maliyye/startaplara-tetbiq-edilen-guzestler-vergi-yigimlarina-tesir-etmeyecek/



İqtisadiyyat bölümünün son xəbərləri

2020-08-31 | Ölkənin turizm sektorunun tənəzzüldən çıxarılması üçün təklif
2020-08-28 | Vergi Məcəlləsində edilmiş dəyişikliklər çərçivəsində görülən tədbirlər
2020-08-19 | ARPA qrant müsabiqəsinin qalibi oldu
2020-08-10 | Bəzi istehsal, ticarət və xidmət sahələrinin fəaliyyətinə icazə verildi
2020-08-09 | Pandemiya dövründə mehmanxanaların fəaliyyəti açıqlandı
2020-08-07 | Sərtləşdirilmiş xüsusi karantin rejiminin tətbiq olunduğu 13 şəhər və rayon üzrə 190 manat birdəfəlik ödəmələrin verilməsi yaxın günlərdə təmin ediləcək
2020-08-07 | Milli Məclisin növbədənkənar sessiyasının iclasında 2020-ci ilin dövlət büdcəsinə dəyişikliklər qəbul edilib
2020-07-18 | Şəffaf vergi sistemi müdafiə qabiliyyətimizin dayağıdır
2020-07-04 | Şahmar Mövsümov: Pandemiya ilə əlaqədar zərərçəkən sektorlara müvafiq dəstək nəzərdə tutulub, iş gedir
2020-07-04 | Sahibkarlıq subyektləri xüsusi karantin rejimində necə işləməlidirlər…

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!