Misallar
Saytımız bu səhifəsində sizlərə mühasibat uçotunun müxtəlif sahələrini əhatə edən misallar təqdim edəcəyik. Bu misallar "Mühasiblər üçün Trenajor" proqramında test edib biliklərinizi artıra və möhkəmləndirə bilərsiniz.
Misal 1 "Mühasiblər üçün Trenajor" proqramından istifadə edərək aşağıdakı əməliyyatların müxabirləşmələrini keçirin.
- A MMC –nin rəhbərliyi 01.03.2017 tarixində müəssisə təsis edərək 500 000 manat nizamnamə kapitalını formalaşdırıb. 03.03.2017 tarixində Nizamnamə kapitalı nəğd pul şəklində müəssisənin hesablaşma hesabına daxil olub. A MMC konsaltinq xidməti sahəsi ilə məşğuldur.
- 10.03.2017 tarixində A MMC 100 000 manata torpaq sahəsi və onun üzərində olan 250 000 manata birmərtəbəli ofis binası alır.
- A MMC 13.03.2017 tarixində 5 000 manat dəyərində bir aydan sonra ödəmək şərti ilə ofis ləvazimatı alır.
- A MMC 30.03.2017 tarixində aldığı ofis ləvazimatına görə olan öhdəliyinin bir hissəsini 2 000 manatı ödəyir.
- 23.03.2017 tarixində A MMC göstərdiyi konsaltinq xidmətinə görə 15 000 manat gəlir əldə etmişdir.
- 26.03.2017 tarixində 15 000 manat xidmət haqqı A MMC-nin hesablaşma hesabına daxil olmuşdur.
- 28.03.2017 tarixində göstərilən xidmətə görə A MMC 10 000 manat gəlir əldə etmişdir. Müqaviləyə əsasən qazanılan xidmət haqqının 50% 30.03.2017 tarixində ödənilmiş, 50% isə aprel ayının 28-də ödəniləcək.
- 31.03.2017 tarixində A MMC işçilərinə mart ayı üçün 4 000 manat əmək haqqı hesablamışdır.
- Hesablanan əmək haqqısından gəlir vergisi - 516.6 manat və sosial müdafiə fonduna ayırmalar- 120 manat tutulmuşdur və 14.04.2017 tarixində büdcəyə gəlir vergisi - və sosial müdafiə fonduna köçürülmüşdür.
- 05.04.2017 tarixində mart ayı üçün hesablanan əmək haqqı işçilərə ödənilmişdir.
- Mart ayı üçün gələn 450 manat dəyərində kommunal xərclər 13.04.2017 tarixində ödənilmişdir.
- 25.04.2017 tarixində alınan gəlirlərdən 6 000 manat dəyərində dividentlər elan edilmişdir və bank hesabından çıxmaqla təsisçilərə ödənilmişdir.