Əmək müqaviləsinə xitam veriləcəyi hədəsi ilə işçini əmək funksiyasına aid olmayan işi görməyə məcbur etmək qadağandır

2018-02-09 | Kadr işi | 2332

"Məcburi əmək və insan alverinin qarşısının alınması" mövzusunda seminar keçirilib.

Əmək və Əhalinin Sosial Müdafiəsi Nazirliyindən (ƏƏSMN) Trend-ə verilən məlumata görə, ƏƏSMN yanında Dövlət Əmək Müfəttişliyi Xidməti tərəfindən müvafiq Tədbirlər Planına uyğun olaraq əmək qanunvericiliyi və onun tətbiqinə dair maarifləndirmə məqsədilə keçirilən növbəti seminar "Məcburi əmək və insan alverinin qarşısının alınması" mövzusuna həsr olunub.

Xidmətin 2 saylı region üzrə Dövlət Əmək Müfəttişliyinin xidməti ərazisində fəaliyyət göstərən ayrı-ayrı işəgötürənlərin iştirakı ilə keçən seminarda məcburi əməyin qanunla qadağan olunduğu vurğulanıb. Ölkəmizin Beynəlxalq Əmək Təşkilatının "Mәcburi әmәk һaqqında" 29 saylı Konvensiyasına qoşulduğu, bu sənədlərdən irəli gələn prinsiplərin milli qanunvericilikdə də əksini tapdığı diqqətə çatdırılıb.

Bildirilib ki, Azərbaycan Konstitusiyasına görə, heç kəs zorla işlədilə, əmək müqaviləsi bağlamağa məcbur edilə bilməz. Bu konstitusion prinsip milli əmək qanunvericiliyində də əksini tapıb. Əmək Məcəlləsində deyilir: "Hər hansı qayda və üsulla zor işlətməklə, həmçinin əmək müqaviləsinə xitam veriləcəyi hədə-qorxusu ilə işçini əmək funksiyasına daxil olmayan işi (xidməti) yerinə yetirməyə məcbur etmək qadağandır. İşçini məcburi əməyə cəlb edən təqsirkar şəxslər qanunvericiliklə müəyyən edilmiş qaydada məsuliyyətə cəlb edilirlər".

Bununla belə, Məcəllədə yalnız hərbi və ya fövqəladə vəziyyətlə əlaqədar müvafiq qanunvericilik əsasında, habelə qanuni qüvvəyə minmiş məhkəmə hökmlərinin icrası zamanı müvafiq dövlət orqanlarının nəzarəti altında yerinə yetirilən işlərdə məcburi əməyə yol verildiyi qeyd olunur.

Seminarda məcburi əməyə cəlb etmənin insan alveri cinayəti ilə əlaqəsindən də bəhs olunub. Məcburi əməyin insanların istismarının bir forması olduğu, insan alverinin də çox zaman məcburi işlərə cəlb etmək, istismara məruz qoymaq məqsədi daşıdığı bildirilib. Həmçinin məcburi əməyin qarşısının alınması yönündə Dövlət Əmək Müfəttişliyi Xidməti tərəfindən həyata keçirilən tədbirlər, ƏƏSMN yanında Dövlət Sosial Müdafiə Fondunun İnsan Alveri Qurbanlarına Yardım Mərkəzi tərəfindən insan alveri qurbanlarının və potensial insan alveri qurbanlarının sosial reabilitasiyası, zəruri yardımlarla təmin edilmələri yönündə görülən işlər diqqətə çatdırılıb.

Seminarda tədbir iştirakçılarının sualları da cavablandırılıb, onlara mövzu ilə bağlı maarifləndirici bukletlər paylanıb.

Mənbə: https://az.trend.az/azerbaijan/society/2858816.html

Əmək müqaviləsinə xitam veriləcəyi hədəsi ilə işçini əmək funksiyasına aid olmayan işi görməyə məcbur etmək qadağandır

2018-02-09 | Kadr işi | 2332

"Məcburi əmək və insan alverinin qarşısının alınması" mövzusunda seminar keçirilib.

Əmək və Əhalinin Sosial Müdafiəsi Nazirliyindən (ƏƏSMN) Trend-ə verilən məlumata görə, ƏƏSMN yanında Dövlət Əmək Müfəttişliyi Xidməti tərəfindən müvafiq Tədbirlər Planına uyğun olaraq əmək qanunvericiliyi və onun tətbiqinə dair maarifləndirmə məqsədilə keçirilən növbəti seminar "Məcburi əmək və insan alverinin qarşısının alınması" mövzusuna həsr olunub.

Xidmətin 2 saylı region üzrə Dövlət Əmək Müfəttişliyinin xidməti ərazisində fəaliyyət göstərən ayrı-ayrı işəgötürənlərin iştirakı ilə keçən seminarda məcburi əməyin qanunla qadağan olunduğu vurğulanıb. Ölkəmizin Beynəlxalq Əmək Təşkilatının "Mәcburi әmәk һaqqında" 29 saylı Konvensiyasına qoşulduğu, bu sənədlərdən irəli gələn prinsiplərin milli qanunvericilikdə də əksini tapdığı diqqətə çatdırılıb.

Bildirilib ki, Azərbaycan Konstitusiyasına görə, heç kəs zorla işlədilə, əmək müqaviləsi bağlamağa məcbur edilə bilməz. Bu konstitusion prinsip milli əmək qanunvericiliyində də əksini tapıb. Əmək Məcəlləsində deyilir: "Hər hansı qayda və üsulla zor işlətməklə, həmçinin əmək müqaviləsinə xitam veriləcəyi hədə-qorxusu ilə işçini əmək funksiyasına daxil olmayan işi (xidməti) yerinə yetirməyə məcbur etmək qadağandır. İşçini məcburi əməyə cəlb edən təqsirkar şəxslər qanunvericiliklə müəyyən edilmiş qaydada məsuliyyətə cəlb edilirlər".

Bununla belə, Məcəllədə yalnız hərbi və ya fövqəladə vəziyyətlə əlaqədar müvafiq qanunvericilik əsasında, habelə qanuni qüvvəyə minmiş məhkəmə hökmlərinin icrası zamanı müvafiq dövlət orqanlarının nəzarəti altında yerinə yetirilən işlərdə məcburi əməyə yol verildiyi qeyd olunur.

Seminarda məcburi əməyə cəlb etmənin insan alveri cinayəti ilə əlaqəsindən də bəhs olunub. Məcburi əməyin insanların istismarının bir forması olduğu, insan alverinin də çox zaman məcburi işlərə cəlb etmək, istismara məruz qoymaq məqsədi daşıdığı bildirilib. Həmçinin məcburi əməyin qarşısının alınması yönündə Dövlət Əmək Müfəttişliyi Xidməti tərəfindən həyata keçirilən tədbirlər, ƏƏSMN yanında Dövlət Sosial Müdafiə Fondunun İnsan Alveri Qurbanlarına Yardım Mərkəzi tərəfindən insan alveri qurbanlarının və potensial insan alveri qurbanlarının sosial reabilitasiyası, zəruri yardımlarla təmin edilmələri yönündə görülən işlər diqqətə çatdırılıb.

Seminarda tədbir iştirakçılarının sualları da cavablandırılıb, onlara mövzu ilə bağlı maarifləndirici bukletlər paylanıb.

Mənbə: https://az.trend.az/azerbaijan/society/2858816.html



Kadr işi bölümünün son xəbərləri

2023-12-26 | 2024-cü il üçün istehsalat təqvimi və iş vaxtı norması
2023-10-20 | Noyabrda 5 gün ardıcıl iş olmayacaq
2023-10-12 | Əmək şəraiti zərərli və ağır olan işlərdə çalışanlarla bağlı mühüm yenilik
2022-12-20 | 2023-cü il üçün istehsalat təqvimi və iş vaxtı norması
2021-06-11 | Əmək Məcəlləsinə edilən dəyişikliklər qeyri-rəsmi məşğulluğa qarşı mübarizəni gücləndirəcək
2021-02-22 | İşləməyə davam edən 6300-dək pensiyaçının pensiyası yenidən hesablanaraq artırılıb
2021-01-31 | Ezamiyyə xərclərinin hesabnlanması qaydasında dəyişiklik edildi
2021-01-29 | Dövlət bağçalarında əməkhaqqına görə ayırmalar və uşaqlar üçün ərzaq məhsullarının hesablanması qaydası dəyişib
2021-01-29 | Əmək kitabçaları dövriyyədən çıxarılacaq
2021-01-29 | İcbari tibbi sığortanın tətbiqi mərhələli şəkildə həyata keçirilir

www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!