Ana səhifə İş elanları CV Bankı Sual-Cavab Forum Bu gün: 23.02.17
      Mühasibat uçotu Vergilər Kadr işi İdarəetmə uçotu Hüquq IFRS Audit Accountsoft Maliyyə menecmenti Financial English
      Xəbərlər Məqalələr Qanunvericilik Kitabxana Sertifikasiyalar Referatlar Tədris İstirahət Linklər
      Qeydiyyat  |  Daxil ol

"TAX FREE" Azərbaycanda

2016-06-17 | Vergi | Baxılıb: 667 dəfə

Azərbaycanın Vergilər Nazirliyi ölkəmizə səfər edənlərə "TAX FREE" imkanını yaradıb. "Marja" xəbər verir ki,"TAX FREE" alış-veriş zamanı ödədilən verginin geri alınmasını nəzərdə tutur.

TAX FREE nədir?

Tax Free - xarici vətəndaşlar tərəfindən alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin (ƏDV) geri qaytarılması mexanizmidir. Bu imkandan istifadə etmək üçün xüsusi TAX FREE stikerləri olan ticarət obyektindən alış-veriş edin. TAX FREE stikerləri olan mağazalarda aldığınız mallara görə ödədiyiniz ƏDV məbləğini ölkəni tərk etdiyiniz zaman, hava limanında geri ala bilərsiniz.

Qeyd: Azərbaycanda təqdim edilən bütün mallara görə ƏDVnin dərəcəsi 18%-dir.

TAX FREE kimlərə şamil edilmir?

- Azərbaycan Respublikasının vətəndaşlarına;

- Azərbaycan Respublikası ərazisində müvəqqəti və ya daimi yaşamaq üçün icazə verilən, haqqı ödənilən əmək fəaliyyəti ilə məşğul olmaq üçün iş icazəsi verilən əcnəbilərə və vətəndaşlığı olmayan şəxslərə;

- bilavasitə xidməti vəzifələrini icra edən hava nəqliyyatının heyət üzvü olan şəxslərə;

-yaşı 14-dən aşağı olan şəxslərə.

ƏDV-ni necə geri almaq olar?

3 addımdan ibarət təlimatdan istifadə edərək siz rahat qaydada ödədiyiniz ƏDV-ni geri ala bilərsiniz:

1.Tax Free stikeri olan mağazada alış-verişin edilməsi

TAX FREE stikeri olan mağazada mal aldığınız zaman satıcıya TAX FREE imkanından istifadə etmək istədiyiniz barədə məlumat verin. Daha sonra ƏDVni qaytarmaq hüququ verən elektron vergi hesabfakturasının (e-VHF) doldurulması üçün satıcıya xarici vətəndaşlığınızı təsdiq edən pasportunuzu təqdim edin. Satıcı pasport məlumatlarınızı daxil etdikdən sonra sizə 2 nüsxədə imzalanmış və möhürlənmiş e-VHF-ı təqdim edəcək. E-VHF-da digər məlumatlarla yanaşı ödənilmiş ƏDV-nin məbləği və ƏDV-nin qaytarılacağı son tarix göstərilir.

Qeyd: TAX FREE imkanından istifadə etmək üçün sizin bir e-VHF üzrə aldığınız malların dəyəri ƏDV ilə birlikdə 300 manatdan az olmamalıdır!

2.Gömrük məntəqəsinə müraciət

Azərbaycanı tərk etdiyiniz zaman aldığınız malı və eVHF-nı pasportunuzla birlikdə aeroportda yerləşən Gömrük nəzarət buraxılış məntəqəsinə təqdim edin. Gömrük orqanının nümayəndəsi e-VHF-da müvafiq qeydlərini apardıqdan sonra onu möhür ilə təsdiq edərək sizə təqdim edəcək.

Qeyd: Mallar alındığı tarixdən 90 gün müddətində ölkə ərazisindən aparılmalıdır. Bu müddəti keçdiyiniz təqdirdə, mal üçün ödənilmiş ƏDV-nin məbləği geri qaytarılmır!

3. ƏDV-nin geri qaytarılması

Son olaraq, gömrük nəzarət buraxılış məntəqəsində sizə verilən e-VHF-nı müvəkkil banka təqdim edirsiz. Seçdiyiniz metoddan asılı olaraq ödəniş xarici və ya milli valyutada aşağıdakı qaydada həyata keçirilir: 1) Nağd qaydada – banka müvafiq sənədi təqdim edildikdən dərhal sonra; 2) Nağdsız qaydada – ödənişin köçürülməsini istədiyiniz bank kartının rekvizitlərini banka təqdim etdiyiniz tarixdən sonrakı 10 iş günü ərzində.

Qeyd: Köçürülmə metodundan asılı olmayaraq aldığınız mallara görə ödədiyiniz ƏDV məbləğindən 20 faiz həcmində xidmət haqqı tutulduqdan sonra qalan məbləğ sizə qaytarılır

Bu mallara TAX FREE tətbiq edilmir:

- aksizli mallar;

- ərzaq malları;

- dərman pereparatları və tibbi ləvazimatlar;

- ölkənin mədəni-tarixi sərvəti hesab edilən, mədəni irsin qorunması üçün mühüm əhəmiyyət kəsb edən mallar;

- ölkə daxilində satışı ƏDV-dən azad edilən mallar;

- ixracı üçün lisenziya tələb edilən mallar;

- çərçivəyə salınmamış, emal edilməmiş və ya çeşidlənməmiş qiymətli daşlar;

- külçə şəklində qiymətli metallar;

- müşayiət olunmayan baqajla Azərbaycan Respublikasının ərazisindən aparılan mallar;

- nəqliyyat vasitələri və onların ehtiyat hissələri;

- poçt və ya internet xidməti vasitəsilə ixrac edilən mallar.

Mənbə: http://www.marja.az/financial/news/budget-taxes/item/198943-%E2%80%9Ctax-free%E2%80%9D-az%C9%99rbaycanda.html




Son Vergi xəbərləri

2017-02-21 | Hansı malların ƏDV-si qaytarılacaq?
2017-02-07 | Elektron ticarət qaydasında vergi tətbiq ediləcək iş və xidmətlərin - SİYAHISI
2017-01-27 | Sadələşdirilmiş vergi üzrə sabit verginin ödənilməsi haqqında ilk patent təqdim edilib
2017-01-25 | E-ticarət yolu ilə alınan mallardan vergi necə tutulacaq?-Rəsmi
2017-01-20 | Vergilər Nazirliyi bəyannamə formalarına dəyişiklik edib
2016-12-30 | Bu gün vergi amnistiyası olacaq
2016-12-29 | Nazir müavini: "Vergi qanunvericiliyində dəyişiklik zəruridir"
2016-12-25 | Azərbaycanda vergi öhdəliklərinin əvvəlcədən müəyyənləşdirilməsi mexanizmi tətbiq ediləcək.
2016-12-25 | Prezidentdən Vergilər Nazirliyinə tapşırıqlar
2016-12-24 | Vergi Məcəlləsinə qəbul edilən bütün dəyişikliklər.


Şərhlər Mesaj

Adınız: 

E-poçt:

Mövzu:
Mətn:

   Baş səhifə
   İqtisadiyyat
   Mühasibat uçotu
   Vergilər
   Kadr işi
   Hüquq
   IFRS
   Audit
   Accountsoft
   Maliyyə menecmenti
   Sertifikasiyalar

Yumor
ABBASINI ÖZÜN AL

Birisi keçəlin boynuna bir sillə vurmuşdu. Keçəl qazının yanına şikayətə getdi. Sillə vuran adamı tapıb gətirdilər. Qazı kitabını açıb bir qədər vərəqləyəndən sonra keçələ dedi:
- Boynunun ardında sillənin yeri qalmadığı üçün ondan bir abbası ala bilərsən.
Bu söz keçəlin xoşuna gəlmədi. Dikəldi və qazının boynuna bir sillə vurub dedi:
- Mən tələsirəm, abbasını ondan özün al!


Tax Manager
Accountant
Accountant
Accountant
Tax Accountant
Chief Accountant
Chief Accountant

 :: Forumda yeni mövzular
 :: Sual - Cavab
Lisenziyaların uçotu
Anti-virus proqramlarının uçotu.

Bütün suallar

Yeni kitablar

Əlaqə: admin@muhasib.az
2010-2016. Saytdakı materiallardar istifadə etdikdə www.muhasib.az saytına keçid qoymaq vacibdır!